قصيدة الحسد

الشعـر أبــوي .. ولا بـعـد قـلـت : لبـيـه
إلا ل( بحّـة وزنـه ) و ( صـوت قـافـه )
ماقبـلـي أحــد ٍ قــد تـربّـى عـلـى يـديــه
ولاغيـري أحــد ٍ سْـمْـع صـوتـه وشـافـه
أغليـه .. وأخافـه .. وأحبّـه .. وأداريــه
وأخـــاف لاأفـقــد دهـشـتـي فأكتـشـافـه
علـى كثـر مـا أبيـه وأتعـب وأنــا أبـيـه
مـاقــد شـكـيـت لغيـمـتـه مـــن جـفـافـه
إن ألتـفـت فـــي حـالــي .. الله يحـيـيّـه
و إن ما ألتفت .. ما ألحقت عمري حسافه
يـامـا عـلـى غفـلـه غـرقــت فشـواطـيـه
ويامـا رمـى فـي قــاع صـوتـي ضفـافـه
وأمسيت أغني له .. وأشيلـه .. وأشاكيـه
كـنّــي مـكــوّم كـــل مـاكــان طــافــه !
أحــاول أقــوى شـــي مـانـيـب قـاويــه
وأحــاول أقـبـل شـــي نـفـسـي تـعـافـه
اسمـع مـن هـروج العـتـب والمسافـيـه ..
مـــازوّد حـمــول الـتـعــب والـمـسـافـه
نـــاس ٍ بـلـونـي بالـحـسـد والمـشـاريـه
مافيـهـم الـلـي وســط قـلـبـه مـخـافـه ..
لا .. والمصيبه .. ويش أنا منحسد فيه ؟!
في الشعر , ودروب السهر , والكلافـه !!
قولوا لذاك اللـي ( سهـادي ) علـى ايديـه
وش جــاه مـنـي ؟! لعنـبـوهـا ضـعـافـه
ان كـان حاسدنـي علـى الشعـر والتـيـه !
يـجـي يبـادلـنـي .. وأخـــط أعـتـرافـه :
يعطيـنـي راحـــة بـالــه الـلــي تـقـدّيـه
وأيـامــه الـلــي مـاتـعـرف الـصـلافــه
ونذر ٍ علي لأعطيه .. وأعطيه .. وأعطيه
حـتـى يـمـلّ مـــن الـشـعـر والصـحـافـه